10 qershori është datë e shumëfishtë për historinë kombëtare, për çështjen kombëtare. Në këtë ditë janë manifestuar disa nga ngjarjet më të mëdha historike, në momente vendimtare dhe historike, të cilat janë shenjuar në kujtesën e kombit shqiptar dhe për të cilat duhet të jemi krenar:

I) Më 10 qershor 1878 në Prizren, Kosovë, u krijua Lidhja Shqiptare e Prizrenit.

II) Më 10 qershor 1998 u krijua Shtabi i Përgjithshëm i Ushtrisë Çlirimtare të Kosovës, dhe prej asaj date Lufta Çlirimtare e Kosovës , nën një Komandë të vetme,u shndërrua në Kryengritje Popullore, duke i dhënë një ridimensionim përpjekjeve të popullit të Kosovës në luftën për Pavarësi.

III)Më 10 qershor 1999 Serbia pranoi kapitullimin para Ushtrisë Çlirimtare të Kosovës me nënshkrimin e Marrëveshjes së Kumanovës, duke e shndërruar 10 qershorin e vitit 1999 si ditën e çlirimit të Kosovës nga pushtimi shekullor serb.

IV)Më 10 qershor 2007, Presidenti i Shteteve të Bashkuara të Amerikës G. W. Bush, deklaroi nga Tirana, krah Prof.Dr.Sali Berishës, njohjen e Pavarësisë së Kosovës dhe futjen e Shqipërisë në NATO.

10 qershori na kërkon të mos harrojmë historinë tonë kombëtare, Lidhjen Shqiptare të Prizrenit, luftën e UÇK-së, ashtu si dhe të jemi gjithmonë mirënjohës për mbështetjen e SHBA-ve dhe Presidentëve Klinton e Bush për njohjen e Pavarësisë së Kosovës dhe futjen e Shqipërisë në NATO.

Sot, 10 qershor 2026, qytetarët do të realizojnë protestën më të madhe qytetare kundër keqqeverisjes dhe korrupsionit të sektit Rama. Kjo ditë, 10 qershor 2026, do të jetë një nga përkujtimet më të bukura të Lidhjes Shqiptare të Prizrenit, me qytetarë shqiptarë të bashkuar nga të gjitha trevat shqiptare, ne protestën e tyre të 11- të. Ky 148 vjetor i Lidhjes Shqiptare të Prizrenit, i gjen shqiptarët përsëri të bashkuar kundër një të keqe të madhe, kundër një kleptokrati, kundër një antishqiptari, kundër sektit Rama.