Takimi kishte si fokus kryesor analizën e zgjedhjeve të 11 majit, ku u diskutua mbi performancën dhe problematikat që dolën gjatë procesit zgjedhor. U theksua nevoja për vlerësimin e faktorëve që ndikuan në rezultatin e zgjedhjeve dhe u propozuan mundësi konkrete për përmirësimin e punës së strukturave në të ardhmen.

Strukturat e PD Vlorë për njësinë administrative Orikum, paraqitën analizat dhe propozimet e tyre konkrete, duke shprehur gatishmërinë për një kontribut aktiv dhe angazhim të plotë në vijim të veprimtarisë politike të Partisë Demokratike në Vlorë.

Në këtë takim morën pjesë Kryetari i PD Vlorë, Hysni Sharra, ish-kandidati për deputet Selaudin Neloj, ish-kryetari i Bashkisë Orikum Sheme Kondi, kryetari i Grupseksionit Orikum Rezart Kulluri, anëtari i kryesisë Gentian Këllçiu.

Në njësinë administrative Orikum, kemi të planifikuar dhe një takim me të rinjtë e Forumit Rinor të Partisë Demokratike Vlorë.