Ministër i Turizmit,Kulturës,Rinisë dhe Sporteve
Vizitën e parë në Kosovë si Ministër i Turizmit, Kulturës, Rinisë dhe Sporteve të Republikës së Shqipërisë e bëra në një moment fort të hidhur për mbarë botën shqiptare e më gjërë, pikerisht atëherë kur Ibrahim Rugova po percillej për në banesen e fundit ose e thënë ndryshe në Panteonin e historisë së këtij kombi.
Të g′hë e ndiejmë mungesen e tij fizike por ngushellohemi me gjithçka ai na la.
Së dyti i ardhur në Kosovë e kam nevojë shpirtërore para së gjithash të them disa fjalë për burrin që së bashku me Nënë Terezën modernizuan historinë tonë të perbashkët.
Ibrahim Rugova, traditën, të shkuarën tonë kulturore e racionalizoi në bashkëkohësi duke krijuar kështu një mendim politik të llojit të veçantë. Ai, Presidenti i Kosovës, Gandi i ditëve tona, esteti dhe teoricieni i letërsisë për mua, mbetet formula më frytëdhënëse e Shqiptarisë, si doktrinë humane e intelektuale, si vizon politik e patriotik.
Brishtësia ja forcoi konturet këtij kolosi, i cili në Ballkanin e tërbuar besoi fort tek paqja si thelb i njeriut.
Rugova me urtësi sokratiane, tokën në të cilën prej dekadash konservohej krimi i pushtuesit, e ktheu ne tokë të paqes duke e lënë Kosoven në agimin e pavarësisë.
Herën e fundit që e pamë në Shqiperi ai u përkul në gjunjë para heroit Kombëtar Gjergj Kastriotit-Skenderbeut dhe tha: do ti forcojmë aleancat me aleatët e të madhit Skënderbe.
Kjo fjali e thjeshte ishte magjia e politikës së tij, vizioni strategjik i rikthimit të shqiptarëve në familjen e natyrshme Europiane.
Qeveria Berisha? e dalë nga zgjedhjet e 3 korrikut integrimin, dialogun, komunikimin dhe njohjen i ka parësore në politikat e veta por çeshtja e statusit të Kosovës është madhore për të? e në këtë kontekst në sintoni me qeverinë? tuaj ajo perpiqet të ndihmojë sa më shumë, në arritjen e zgjidhjes së dëshiruar sepse një Kosovë e pavarur ,demokratike e lirë dhe që respekton minoritetet shihet si burim stabiliteti në rajon.
Qëndrimi i Qeverisë Berisha për Kosovën është i qartë. Une ju citoj këtu deklaratën më të fundit të kryeministrit Berisha dhe qeverisë që ai drejton se “pavarësia e Kosovës do të shërbejë si një faktor madhor stabiliteti për vetë Kosovën në radhë të parë, e cila ka nevojë për zhvillim, për investime, përparim në mënyrë që të ketë stabilitet e paqe për qytetarët e saj brenda vendit” .
Dua t′ju informoj ju se ministria që unë drejtoj bashkëpunimin me Kosovën? e sheh si tejet të rëndësishëm si në fushat e turizmit, rinisë dhe sporteve por mbi të gjitha në fushën e kulturës.
Kultura e Kosovës dhe e Shqipërisë janë dy pjesë të një të tëre, pra të asaj që të gjithë ne quajmë Kulturë kombëtare. “Nja asht gjuha kombi nja” pati thënë Ndre Mjeda. Natyrshëm së bashku i? ndiejmë? si pjesë të trashëgimisë tonë? patriotike, krijuese e? shpirtërore, emra të tillë si Barleti, Beçikemi, Buzuku, Budi, Bogdani, Bardhi, Sulejman Vokshi, Haxhi Zeka, Ymer Prizereni, Ali? GuciaFishta, Gjeçovi, Hasan Prishtina, Konica, Frasheri, Gurakuqi, NOli, KoLiqi, Bajram Curri, Shaban Polluzha, Esat Mekuli, Anton Pashku, Ismail Kadare, Azem Shkreli, Ali Podrimja, Rexhep Ferri , Sabri Hamiti e shumë të tjerë për të theksuar fort krenarinë për Ibrahim Rugoven, për të cilin kam shprehur konsideratën personale që në çeten e profeteve të kombit? pas Skenderbeut zë të parin vënd.
?Përmenda këta emra për të ravizuar një ide, atë të një historie dhe kulture të përbashkët
Kultura është gjuha më e mirë për të komunikuar me të ndryshmin e jo më me vellezerit e një gjaku.
Politikat e reja që po koncepton MTKRS, konsistojnë kryesisht tek libri, etnokultura dhe tek trashëgimia materiale dhe shpirtërore. Kjo në fushen e kultures ndërsa në Turizëm po punojmë që, krahas turizmit të rërës dhe diellit, që tashmë ju keni patur rast të jeni konsumues të tij, po konturojmë strukturat bazë për një turizëm kulturor elitar.
Pesë parqet arkeologjike që kemi shpallur janë tregues i kësaj nisme.
Synimi ynë në fushën e librit përsa i përket bashkëpunimit me ju është që ai të mos njoh asnjë pengesë. Kur them këtë kam parasysh panaire të librit të përbashkëta brenda dhe jashtë vendeve tona, si dhe? panaire shkembyese, botime të përbashkëta? që trasmetojnë vlera të ndersjellta.
Por duhet të marrim në konsideratë realitetin që për fat të keq këtë nuk është ai i dëshiruari. Ka një situatë moskomunikimi thelbësor që deri dje justifikohej nga konjukturat historike, ndërsa sot është një neglizhencë të ilën nuk e meritojmë dhe që duhet të punojmë të gjithë për ta ndryshuar.
Mosnjohja e ndërsjelltë e kultures që prodhohet nga bota shqiptare, ka shpënë n&e′; largimin e saj, veçimin, thellimin dhe mbylljen, pa krijuar një rezonancë gjithëkombëtare, sipas principit: një gjuhë -një kulturë.
Por tendenca është e qartë në favor të ndryshimit të gjendjes
Ne, pak kohë më parë? gjatë promovimit të korpusit të plotë të veprave të? Rugoves, jemi shprehur të gatshëm që të botojmë një studim antologjik kushtuar këtij personaliteti ku të përfshihen studime e analiza të studiuesve nga Kosova dhe Shqipëria.
Tek unë si ministër, i inkurajuar edhe nga orientimet e qarta të Kryeministrit Berisha për një bashkëpunim intensiv me Kosovën ekziston një vullnet absolut për të punuar me ju.
Gjej rastin t′ju përgëzoj për seriozitetin,cilësinë dhe përkushtimin që keni treguar në fushën e botimeve të klasikëve të kulturës kombëtare. Kam ndjekur me vëmendje Kolanat e Fishtes, Konices, Harapit, Koliqit Rugoves, Hamitit etj dhe kam kuptuar që kemi shumë për të nxënë nga ju? në këtë drejtim.
Kështu që kam nxitur punën në këtë drejtim pra për të evidentuar si e kemi gjendjen e botimeve deri tani dhe si e sa do ta zgjerojmë atë.
E ndiej të nevojshme të theksoj që si në Kosovë dhe Shqiperi po formëzohet një brez shkrimtaresh dhe artistesh të rinj por që për arsye të ndryshme po mbesin si ishuj kreativë të izoluar atëherë intensifikimi i marrëdhenieve e thënë ndryshe perçimi i kësaj krijimtarie në të dy anët e kufirit? e bën më të lehte integrim e dy pjesëve që përmendem më siper.
Një nismë e tillë nuk duhet kufizohet vetëm tek libri por edhe tek muzika me zhanret e veta teatri apo piktura.
Ekspo-Prishtinë? që do të bëhet? pas pak ditësh nën kujdesin e piktorit Fatmir Velaj me pjesëmarrjen e artistëve të ndryshëm ballkanas është një pervojë që duhet të bëhet fillim i një tradite të bashkëpunimit midis dy ministrive tona të kultures.
Në Shqipëri më e avancuara në këtë drejtim është biblioteka kombëtare që bashkëpunon ngushtë më? atë të Kosoves në forma të ndryshme.Por kësaj here jemi ketu për të krijuar lidhje direkte ndermjet të gjithave institucioneve të varësisë dhe drejtorive paralele në dy ministritë tona.
Kultura është element thelbesor dinjiteti e identiteti.
Mendimtari ynë i shquar Branko Merxhani? e shihte kulturen si bazen fillestare dhe kushtin primar të ndryshimit të shoqërisë shqiptare citoj “Kultura është nisja-thoshte ai në një shkrim të botuar tek përpjekja shqiptare,- që një popull të fitojë fuqi politike duhet më parë nga të gjithë të krijojë një kulturë të lartë.
Ne në anen tjetër të kufirit shohim me simpati të madhe autobuzet me të rinjtë kosovarë që vijnë për të vizituar qytetet shqiptare.
Këto vizita kanë një simbolikë të tyren të qartë atë të dashurisë dhe njohjes reciproke.
Kam takuar plot të rinj kosovarë që mbanin emrat e qyteteve dhe simboleve tona. Jam emocionuar vertetë.
Në mënyrë që edhe rinia e shtetit të Shqiperisë të n′ë më mirë Kosoven i kam indikuar departamentit të Rinisë në ministri hartimin e një axhende që ka në qendër të saj një turizëm kulturor në Kosovë, pra njohjen me qytetet, vendet arkeologjike, muzetë apo ato të rezistences kunder represionit serb.
Persa i përket turizmit, mendoj që Zoti u ka falur bukuri të mëdha dy shteteve tona.
Para se ta pretendojmë nga të tjerët është mirë që në fillim të jemi klientë të njëri tjetrit, sepse përveç mikpritjes tradicionale mund të gjejmë plot gjëra që kënaqin kuriozitetin tonë.
Edhe në këtë pikë ju keni qënë më të vëmendshem dhe më eksperimentues? nga ne.
Aktualisht, ne gjendemi në një proces reformimi të plotë të strukturave hoteliere, plazheve dhe lidhjeve të tyre me monumentet e ndryshme kulturore. Ju them me bindje që stina që po afrohet e gjen ambjentin turistik shqiptar më cilësor në çdo pikëpamje e si të tillë më argëtues
MTKRS? e Shqiperisë dhe? ministrinë? e kulturës së? Kosovës i shoh si dy porta të hapura përballë njëra tjetres nga të cilat? kalojnë marrdhëniet tona? më të bukura, më integruese, pikërisht ato marrëdhënie, që në kodin e tyre të komunikimit kanë magjinë e artit kozmopolit e tabanin kombëtar por mbi të gjitha forcën edukuese të artit, të dialogut, paqes, mirëkuptimit e respektit ndaj të ndryshmit.
Unë jam nga Vlora e deputet i saj pra? nga qyteti i flamurit të pavarësisë atij flamuri që puthi? dhe mbrojti Isa Boletini.
Jo pak herë kam menduar se çfarë mund të kete ndier dhe thëna baca Isë në ato çaste, i pandihmuar nga proçesverbalet historike e gjeta zgjidhjen tek Ali Podrimja pra “Miq Kosova është gjaku im që nuk falet!”. Kosova ka qënë malli ynë i pashuar e çdo shqiptar e ka ndier këtë brengë, por vlonjatet me teper. E them kete pa friken se do të akuzohem për? pervetësim dashurie.
Isopolifonia që shoqëroi Barken me Ismail Qemalin Gurakuqin e të tjerë kur po shkonin të mbronin çeshtjen shqipetare në vitin 1913 mbeti mes nesh , qe? një këngë që nuk reshti kurrë, në pritje që anija të kthehet me lajmin e gezuar të Kosoves së Pavarur.
Sot proceset integruese janë kryefjala e politikave evropiane e ballkanike. Ne shqiptarët në të dy anët e kufirit nuk kemi kohë për të humbur por besojmë fort në përcaktimin e shkrimtarit tonë të shquar Ismail Kadare që thotë:
“Dy shtete shqiptare në Ballkan do të përfaqsojne më bukur kombin shqiptare,do jenë shumë të fuqishem dhe do ti japin shtatin e vertetë kombit shqiptar”
Dhe bashkë me këtë shtat të vertetë do t′i japin një psikikë tjetër shumë të shëndetshme, sepse kur një trup plotësohet dhe mendja plotësohet.