Gjatë takimeve të z.Basha me qytetaret dhe bizneset e vogla, dhe disa pensionistë të qytetit të Vlorës, ai u shpreh:
Bizneset e vogla në qytetin e Vlorës janë lënë në baltë si kudo në Shqipëri. Edi Rama nuk ka mbajtur asnjë premtim, ekonomia është rrënuar, numri i qytetarëve që mezi sigurojnë ushqimin e përditshëm është rritur dhe tani kur kanë më shumë nevojë se kurrë qeveria nuk po u jep asnjë ndihmë.
Në tregun e qytetit u takova me shitës që e nisin punën sapo zbardh dita dhe nuk arrijnë të nxjerrin as shpenzimet minimale për të mbajtur familjet e tyre.
Pandemia e ka nxjerrë edhe më shumë në pah krizën, ndërsa Rama ka ofruar ndihmën më të ulët për biznesin dhe qytetarët krahasuar me vendet e Ballkanit. Ndërkohë jeta është bërë më e shtrenjtë, papunësia është rritur dhe konsumi ka rënë. Shitjet e njësive të shërbimit dhe tregëtisë janë përgjysmuar.
Edhe për pensionistët situata është e vështirë. Të braktisur nga shteti dhe me fëmijët në emigracion, çdo ditë për ta është një sfidë në kufijtë e mbijetesës.
Bizneset dhe qytetarët e Vlorës kërkojnë ndryshim. Ata duan një qeveri që nuk bën propagandë por punë. Një kryeministër që nuk ndjek vetëm interesin e tij, por punon për interesat e shqiptarëve, për punësimin dhe zhvillimin ekonomik.
Shqiptarët kanë nevojë sot më shumë se kurrë për një qeveri që do ta ndryshojë Shqipërinë dhe do të sjellë shpresë dhe mundësi për shqiptarët.
Takime të Kryetarit të PD z. Lulëzim Basha, në qytetin e Vlorës.
![](http://bujarleskaj.com/wp-content/uploads/2020/12/takim-me-pensionistet-dhe-tregetaret-ambulant-ne-vlore.jpg)