12 qershori është një ditë e shenjtë për Kosovën dhe të gjithë shqiptarët. 25 vite më parë përfundoi Lufta e Kosovës, dhe iu dha fund masakrave dhe gjenocidit serb mbi shqiptarët e Kosovës. Ndërhyrja e NATO-s në Kosovë i parapriu një lufte të ashpër mes UÇK-së dhe forcave serbe. Në 12 qershor 1999 në Kosovë hynë rreth 50.000 trupa të KFOR-it nga 39 shtete duke bërë që Millosheviçi dhe regjimi i tij të dorëzoheshin përpara SHBA dhe NATO-s duke i dhënë shpresë dhe jetë shtetit më të ri në Evropë dhe duke ngjallur shpresat për pavarësi. 25 vite më parë Dita e Çlirimit të Kosovës, për të cilën çdo kosovar luftoi e sakrifikoi, është prova se sa e shenjtë dhe e shtrenjtë është Liria, Pavarësia e prosperiteti. 12 qershori është dita e nderimit të sakrificave, rezistencës dhe luftës së drejtë të UÇK-së, Presidentit historik Ibrahim Rugova, Komandantit të Përgjithshëm Adem Jashari, heronjve Fehmi Lladrovci, Adem Demaçi, Hashim Thaci, Luan Haradinaj, Zahir Pajaziti, etj, të cilët me luftën e tyre hodhën themelet e shtetit të ri kosovar, të ndërtuar sipas postulatit të famshëm të presidentit Rugova: “Një Kosovë e pavarur, demokratike e paqësore e integruar në BE, NATO dhe në miqësi permanente me SHBA, është vullneti politik i popullit të Kosovës.” Sot është dita të shprehim mirënjohjen më të thellë për presidentin Klinton, Sekretaren e Shtetit Madeleine Albright, kryeministrin britanik Tony Blair e të gjithë ata liderë amerikanë e europianë, të cilët mbështetën e udhëhoqën forcat e NATO-s në luftën e Kosovës dhe që u vunë në mbrojtje të vlerave të paqes dhe demokracisë. Sot, 25 vite më pas, sfidat janë edhe më të mëdha jo vetëm për forcimin e demokracisë në Kosovë por edhe për integrimin e plotë në BE e NATO. Siç thekson dhe kryetari e lideri i Partisë Demokratike të Shqipërisë, ish-Presidenti dhe ish-Kryeministri, Prof.Dr.Sali Berisha se: “Pavarësia e Kosovës është vepër e arkitetktit të saj, politikanit vizionar dhe mendje ndritur të kombit shqiptar, Presidenitit Ibrahim Rugova, Gandit të Europës që endi në shpirtin dhe mendjen e shqiptarëve të Kosovës ëndrrën e tyre më të bukur, më fisnike të njeriut të civilizuar, lirinë dhe pavarësinë e vendit. Presidenti Rugova themeloi e ngriti në kushtet e pushtimit më të egër Republikën e Kosovës, pushtetin e shqiptarëve të shtypur paralel me pushtetin e pushtuesve barbarë. Ai paraqiti dhe mbrojti me vendosmëri dhe vizion në Shtëpinë e Bardhë dhe kancelaritë më të mëdha të botës çështjen e drejtë të popullit të Kosovës dhe zgjidhjen e saj. Ai arriti ta shndërroje këtë kauzë në çështje kryesore të axhendës të SHBA dhe vendeve të lira perëndimore!”. Në mbyllje të këtij postimi po përcjell lutjen e Dr.Ibrahim Rugovës për Kosovën, në 12 qershor 1999:
“Të lutemi o Zot

Botuar në Gazeta Sot më 12.06.2024